Crea sito

Lambazzo

MUSA DIALETTALE

L'effette d' 'a sunate

Int' 'a sóleta candine
andò, doppe fategate,
me ne vache semp' 'a sere
pe passà quella mezz'ore

vène sempe nu vecchiotte
che na specie de presutte
sott' 'u vrazze nfudarate
a na mappina pezze - pezze.

I' nen sacce si 'u vecchiotte
s'e mparate l'ora mije
o sarrà cumbenazìone:
cum'ije trase, trase apprîsse!

Int'a n'àngule ammucciate
sfutarèje chiane chiane
' u presutte (nu mandulline)
e accummenze a picchïà

Ma 'u brutte nenn'è quiste:
tene 'a flemme de sunà
ogne sere, tutt' 'i sere,
'u Preludie d' 'a Traviate.

'A sunate è bell'assaje:
 ma devente nu laturne
secialmente p' 'u mandulline
ch'è zucante cum'e cchè.

L'ata sere, puntuamende,
s'appresente ind' 'a candine,
manche fosse cosa nove,
'u vecchiotte c' 'u.... presutte.

Accurdate 'u mandulline
piglie e attacche 'a Traviate!
Nen l'avesse maje fatte:
- 'A finisce - me vataje.

Ma te pare ca 'i cristiane
hanna chiagne apprisse a tte?
Isce fore! N'ata vote
guaj' a tte si tûrne qua!

'U vecchiotte, la pe llà
rumanije scuncertate;
'u curagge nen tenève
de responne na parole.

Ma passate nu menute,
senza dice manche olà,
se facije forz' e curagge
e attaccaje "Giovinezza...

M'avezaje sull' "attente";
allungaie 'u vrazze dritte
e diciie a 'u vecchiarîlle:
- Sunatò...... vin' ogne sere!

Lambazzo
poeto foggiano di Foggia permanento

da Il Rinnovamento 17 aprile 1928 fasc.15

MUSA DIALETTALE

Capricce de controre

'U grane nùve

Mmîzz'a l'arie,
marenise e tarrazzane
sott'u sole de vrascîre
ca t'abbruce 'i cerevelle,
mèten 'u grane nûve,
a greègne a grègne.

Pare cume si 'u sole
arrustèsse terre, grane e crestiane!
'I spegulatrice càntene
na canzona vecchia vecchie,
ca, di sti' tîmpe, pare sèmpre nove,
tante ca è accadente.
Si nen fosse pe quillu fiate de vînte
ca mène a la lûnghe a la lûnghe,
te pararrije d'affucà!

Na vèppeta daccqua fresche
sarrije ate ca gelate de lemòne.
Nu cavalle ca porte 'u traìne
da l'ausille fin'a mezzane
ha fatte 'a scume: par nzapunate.
Nu friche de trène ca vace a Mambredonie
rombe stu sulènzie càvete.

Ogne tante se vete nu calandre
ca vole vasce vasce e spezzleje int' 'i gregne.
Stu grane ca mo s'adda trebbià
è na recchezze, è na prièzze!
Doppe sette mise de fatighe,
de speranze, pàlpete e penzîre,
im'avute sta bella furtune.

Stu grane de Fogge
è 'u cchiù bbelle d' 'u munn!
Grane belle! Grane d'ore!......
Frutte de sta bella terra nostre,
ije te guarde e me s'appànnene l'ûcchie,
penzanne, secure, ca, quanne vaje a Rrome,
Musulline te darrà 'u prime prèmie!

Lambazzo
poeto tarrazzano in poesia

pubblicato su Il Rinnovamento il 1 luglio del 1928