Gramazio Gaetano

VA CHIUVE A CASTEGGHIJONE

A proposete de granele ve vogghije accundá nu fattarille ca succedije nu poche de timbe fa. A storije à mètte à nnome VA CHIUVE A CASTEGGHIJONE. Nen fazze nome pe respettá a privacy ma a storije eije ruère.
Nu bèlle pomèrègge de staggione stèvene assettàte mizze à Felippe (piazza sant'Eligio) na rocchije de tarrazzàne ca descutèvene di fatta lore quanne tutte anzime u timbe s'accummenzàije a ndruvelijá.
Mo, venènne a nuije, mizze à llore stève n'assignatarije (persona a cui fu assegnato un podere dell'Ente Riforma) ca tenève a vigne e siccome nen chiuvève da na frèche de mise, vedènne u timbe ca se preparàve a chiove accummenzàije a lucculá...va chiuve a Castegghijone , va chiuve a Castegghijone (Castiglione nota località sita a pochi chilometri da Foggia dove lui aveva la vigna) e comungue venije a fa nu tèmboràle ca s'accucchiàije cile e tèrre. Tutte cundènde chè avève chiuppete u tarrazzàne in quèstione de nzubbete se mettije ndò trèrrote e s'abbijàije vèrse Castegghijone ma quanne arruàije sopaposte truàije a vigne destrutte da granele, erene rumaste sole i zippere ... alè i gastème e scunzulàte s'arretràije à Fogge.
I cumbagne cume u vedérene tutte attubbàte u ddummannarene....cumbá chè t'é succisse e isse accundàije u fatte e i cumbagne ce decèrene.....t'é piaciute a lucculá VA CHIUVE A CASTEGGHIJONE.
Da quillu ijurne ogni vote ca u timbe se ndruvelijàve u sfuttèvene "va chiuve a Castegghijone"

da Facebook 18-04-2023